پروفيسر جهانزيب نياز
په پښتونخواه اردو لوپټه
په پښتونخوا ئې داردو لوپټه بيا خوره کړه
په بې غيرته پښتنو ئې اردو بيا سوره کړه
پښتون بې ننګه شو، دستار ئې لۀ سر وغورځيدو
د بې ننګۍ په کرسۍ ناسته ئې له پښتو غوره کړه
سندهى ته وګوره نامرده ترې سبق واخله
تۀ خو بازو ئې شمشير زن ئې هسې دې مل يره کړه
چې راوى خيل ته حاجت ستا دټوپکى پيښ شى
بيا په صف دې نۀ مړيږى مرګ له تاغوره کړه
چې ديو نټ دجوړيدو وخت شى پښتون مې ياد شى
چې کار ئې وشى بيا ئې قتل په چاړه سر کړه
پښتو شوه خواره هميشه له پښتنو لۀ لاسه
چې پښتو ئې پريښوه اردو ئې ورله په سر سوره کړه
دومره ژندون زۀ نياز غواړمه لۀ خدايه ځينې
چې پښتنو خپله پښتو او پښتونخوا کره کړه
If you have installed "Pashto Kror Asiatpye" font from BBC Pashto, you should have no problem in viewing Pashto content on this site. All content copyright Khyber Gateway unless otherwise stated. Site best viewed at resolution 1024x768. Webmaster contact:
o8m8erk8h8@8ya8hoo.8com (Remove all 8's)